Sot pritet të mblidhen pesë komisione parlamentare.

Në ora 10:00 do të mblidhet Komisioni për Ekonomi, Industri, Ndërmarrësi dhe Tregti, miraton Projekt-rezolutën për Raportin vjetor të ZRRE-së për vitin 2022.

Në orën 10:00 do të mblidhet edhe Komisioni për Shëndetësi dhe Mirëqenie Sociale, shqyrton raportin përfundimtar për Projektligjin për shëndetin riprodhues dhe fertilizim të asistuar mjekësor.

Ndërkaq në orën 13:00 mblidhet Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla, diskuton rreth angazhimit të eksperteve.

Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione në ora 13:00  miraton raportin vjetor të punës së Komisionit për vitin 2023.

Në orën 13:00 mblidhet edhe Komisioni për Mjedis, Ushqim, Bujqësi, Planifikim dhe Zhvillim, shqyrton disa projektligje dhe nisma legjislative.

Në rend dite është Nisma legjislative për Projektligjin për ndryshimin dhe plotësimin e Ligjit për Vlerësimin e Ndikimit në Mjedis./Arbresh.info/